شي يرفع الضغط

((السلام عليكم و رحمة الله و بركاته))


وش أخباركم ..أخواني !

إن شاء الله تكونوا بخير ..؟!

المهم ما أبي أطيل عليكم بالكلام <<<أيش موضوعك بسرعة خلصنا



بصراحة هذه اسئله ترفع الضغط الواحد فينا يوصل عنده الضغط H ......


ودك تمسك إلي يقوله وتشوته الين تطيح إلي براسك


نشوف الاسئلة و أعطوني رأيكم :

أنت بغرفتك منسدح بالسرير ومطفي النور ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !

(( لا أبرقص ,, أكيد أبنام ))
------------------------------------------------------------
أنتم معزومين عند ناس ورحتو لبيتهم و أول ما فتحوا الباب لكم , قال ولدهم :- " جيتــوا العزيمـه
(( لا رحنـــا ,, أكيد جينا وأنت وش تشوف ))
-----------------------------------------------------------
والعكس :- أنت لابس ثوبك وكاشخ بالشماغ وماشي بالبيت متجه لباب الشارع ,,
يجي أحد من أهلك وينادي بصوت عالي >>> بتطلع ! ! !
(( أبدخل ,, أيه أبطلع ))
------------------------------------------------------------
أو مثلا راكب السياره وشغلت الموتر شوي وتدوس على البنزين يطلع لك واحد ويطق على القزاز , ,
أنت بكل ذوق تفتح القزازه وتقوله :- آمر يالحبيب ؟
يقولك :-بتمشي با السياره ! ! !
(( لا أبفحط وأسوي خمسات . . . . أكيد أنا ماشي ))
-------------------------------------------------------------
عزيزتي الفتاة مثلا أنتي بالكليه وقمتي من الطاولة عقب ألف سالفه وسالفه يتخللها الحش والضحك و الغشمرة ورحتي عند الباب تلبسين عبايتك . . .
تجي وحده ملقوفه من البنات وتقولك : - فلانه بتروحين البيت ! ! !
(( لا أبطلع برا أشم هواء , , أكيد أبروح لـبـيـتـنـا من زين الكليه جالسه في استاربوكس وانا ما أدري ))
---------------------------- -----------------------------
مثلا ماسك سماعه التلفون وقاعد تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , أكيد أبكلم ))
----------------------------------------------------------
مثلا :- ماسك مذكرة أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !(
( لا أفرش اسناني , , , أيه أذاكر ))
--------------------------------------------------------
أو مثلا تتسبح بالمسبح يجي واحد من أصدقائك يمر عليك ويقول :- فلان تسبح ! ! !
(( لا أنام . . . اللي يسمعك يقول ما تشوف أيه قاعد أسبح ))
--------------------------------------------------------
ولا تعالــو شوفو قنواتنا وأسئلتهم البديهيه و من زود الذكاء الخارق الموجود عندهم . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش أجل متصل ))
--------------------------------------------------------
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( أكيد يبي يقولهم هالعباره , أجل وش تبونه يقول بهالمناسبه أحسن الله عزاكم!!! ))
------------------------------------------------------
و الأسخف من هالبديهيات اللي تضيع وقتنا إذا قابلو مع بزارينا , , ,
يقول المذيع للاطفال:- أنت تحب ماما وبابا ! ! !
(( تبي تسبب فتنه أيه أكيد يحبهم أجل تبي يقول لا ))
----------------------------------------------------
واحد شايل شنطته ومتجه عند بوابه المطار ويشووفه خويه با الصدفه هلا والله أعلومك أخبارك أنت طيب لنا مده ما شفناك أخوي و بعدين يسأل شو تسووي في المطار

((أكيد أبي أسافر ليه جاي عشان أتفرج للطيارات وقت الاقلاع))